මෙරට අයිස් මත්ද්‍රව්‍ය භාවිතය ක්‍රමයෙන් වැඩිවෙමින් පවතින බව අන්තරායකර ඖෂධ පාලක ජාතික මණ්ඩලය පවසයි.
එහි පර්යේෂණ අධ්‍යක්ෂිකා භද්‍රානි ජයවර්ධන පැවසුවේ වසරේ මේ දක්වා අයිස් මත්ද්‍රව්‍ය ළඟ තබා ගැනීම සම්බන්ධයෙන් පුද්ගලයින් 6,728 දෙනෙකු පොලිස් අත්අඩංගුවට ගෙන ඇති බවයි.
පාසල් ළමුන් අතර අයිස් මත්ද්‍රව්‍ය භාවිතය ප්‍රචලිත කිරීම සඳහා ඇතැම් පුද්ගලයින් විවිධ උපක්‍රම භාවිත කරමින් සිටින බවත් දකුණ පළාත භාර ජ්‍යෙෂ්ඨ නියෝජ්‍ය පොලිස්පති අජිත් රෝහණ පවසයි.