නාඳුනන පුද්ගලයන් දෙදෙනෙකු විසින් හංවැල්ල ආපනශාලා හිමිකරුවෙකුට වෙඩි තබා තිබේ.
ඊයේ (18) රාත්‍රියේදී මොවුන් දෙදෙනා විසින් ආපනශාලා හිමිකරුට වෙඩි තබා ඇති අතර එම පුද්ගලයා මියගොස් ඇති බව හංවැල්ල පොලිසිය පවසයි.
මෙම වෙඩි තැබීමෙන් මියගොස් ඇත්තේ එම ප්‍රදේශයේම පදිංචි වයස අවුරුදු 46ක පුද්ගලයෙකි. එම පුද්ගලයා ආපනශාලාව තුළ සිටියදී මෙම වෙඩි තැබීම සිදුකර ඇති අතර බරපතල තුවාල සහිතව ඔහු පාදුක්ක රෝහලට ඇතුළත් කිරීමෙන් අනතුරුව මියගොස් ඇත.
පිස්තෝල වර්ගයේ ගිනි අවියකින් මෙම වෙඩි තැබීම සිදුකර ඇති අතර හංවැල්ල පොලිසිය විසින් වැඩිදුර පරීක්ෂණ පවත්වනු ලබයි.