වැලිමැස්සා මගින් බෝවන ලීෂ්මේනියාසිස් රෝගය නැවතත් දිවයින පුරා හිස ඔසවමින් පවතින බව කොළඹ වෛද්‍ය පීඨයේ ජ්‍යෙෂ්ඨ කථිකාචාර්ය පරපෝෂිතවේදය පිළිබඳ විශේෂඥ වෛද්‍ය සනත් සේනානායක මහතා පවසනවා.
වියලි කලාපවල මේ තත්ත්වය වඩාත් වර්ධනය වෙමින් තිබෙන බව ඔහු පවසයි.
මෙම රෝගය ආසාධනය වූ විට කුරුලෑවක් වැනි කුඩා බිබිලක් ලෙස පෙන්නුම් කරන අතර එය වර්ධනය වී තුවාලයක් බවට පත්විය හැකියි. මෙහිදි කිසිම වේදනාවක් නොදැනීම මෙන්ම කැසීමක් ද සිදු නොවීම මෙහි විශේෂත්වයයි. වැඩිපුරම හමේ තුවාල දකින්නට ලැබෙන්නේ ශරීරයේ නිරාවරණය වන කොටස්වල වන අතර මුහුණ, අත සහ කකුල් ඒ අතර විශේෂයි.
උඩු කය නිරාවරණය කරගෙන වැඩ කරන පුද්ගලයන්ගේ පිට ප්‍රදේශයේ ද මෙම තුවාල දක්නට ලැබෙන අතර මෙම රෝග ලක්ෂණ පවතින්නේනම් හැකි ඉක්මණින් චර්මරෝග විශේෂඥ සානයකයකට යා යුතු වනවා. මාස කිහිපයක් හෝ වසර කිහිපයක් මෙම තුවාල පැවතීමේ හැකියාවද පවති.මෙම රෝගය අභ්‍යන්තර අවයවවලටද හානි ගෙන දෙන බැවින් කඩිනමින් වෛද්‍ය උපදෙස් ලබා ගැනීම සිදු කළ යුතුයි.