එංගලන්ත රජය විසින් එක්වරක් පමණක් ප්‍රයෝජනයට ගත හැකි ප්ලාස්ටික් හැඳි ගෑරුප්පු, පිඟන් සහ ට්‍රේ තහනම් කිරීමට නියෝග කර ඇති බව විදෙස් මාධ්‍ය වාර්තා කරයි.
අනාගත පරපුර සඳහා පරිසරය ආරක්ෂා කිරීම වෙනුවෙන් මෙම තීරණය ගත් බවයි එරට පරිසර අමාත්‍ය තෙරෙසේ කොෆි පැවසුවාය.
එම තහනම ක්‍රියාත්මක වන්නේ කවදා සිටද යන්න සම්බන්ධයෙන් නිශ්චිත ප්‍රකාශයක් සිදු කර නොමැති අතර මේ වනවිට ස්කොට්ලන්තයේ සහ වේල්සයේ මෙම නීතිය ක්‍රියාත්මකය.
එංගලන්තය තුළ වාර්ෂිකව වරක් භාවිත කළ හැකි පිඟන් බිලියන 1.1ක් සහ හැඳි ගෑරුප්පු බිලියන 4ක් පමණ භාවිතයට ගන්නා බව දත්ත වාර්තා කරයි.