ජනාධිපතිවරයා මැතිවරණ කොමිෂන් සභාවට කතා කළ බවත් ඒ නිසා ජනාධිපතිවරයා හමුවීමට ගිය බවත් මැතිවරණ කොමිෂන් සභාවේ සභාපති නීතීඥ නිමල් පුංචිහේවා පැවසීය.
හෙතෙම මේ බව සඳහන් කළේ ඊයේ (09) පෞද්ගලික රූපවාහිනී නාලිකාවක පැවති වැඩසටහනකට එක්වෙමිනි.
එහිදී වැඩිදුරටත් අදහස් දක්වමින් සභාපතිවරයා කියා සිටියේ රටේ විධායක ජනාධිපති රනිල් වික්‍රමසිංහ හමුවීමට ගිය බවත් කිසිම අවස්ථාවක එක්සත් ජාතික පක්ෂ නායකයා හමුවීමට නොගිය බවත්ය.
රටේ විධායක ජනාධිපති ආණ්ඩුක්‍රම ව්‍යවස්ථාව අනුව ඔහුට බැඳීමක් පවතින බවත් මැතිවරණයක් පවතින අවස්ථාවක මැතිවරණයට අවශ්‍ය පහසුකම් සැපයීමට හා වාතාවරණය සකස් කිරීමට වගකීමක් ඇති බවද ඔහු එහිදී පෙන්වා දුන්නේය.