උද්ධමනය පිළිබඳ නවතම දර්ශකයේ ශ්‍රී ලංකාව ස්ථාන 03ක් ඉදිරියට පැමිණ තිබේ.
ඒ අනුව ජෝන් හොප්කින්ස් විශ්ව විද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්ය ස්ටීව් හැන්කේගේ උද්ධමන දර්ශකයේ සිව්වැනි ස්ථානයට පැමිණ ඇත්තේ ලංකාවයි. පසුගිය දර්ශකයේ ශ්‍රී ලංකාවට හිමිවූයේ හත්වෙනි ස්ථානයයි.
පිළිවෙළින් පළවෙනි, දෙවැනි, තෙවැනි ස්ථාන ලබාගෙන ඇත්තේ සිම්බාබ්වෙ, වෙනිසියුලාව හා කියුබාවටයි.
නව දර්ශකයට අනුව ශ්‍රී ලංකාව නිල උද්ධමනය දෙසැම්බර් මස සියයට 66 ක් ලෙස සඳහන් වුවද මෙරට සැබෑ උද්ධමනය සියයට 101 ක් බව මහාචාර්යවරයා පෙන්වා දී ඇත.
