ඉන්දියාවේ කුරුළු උණ රෝගය පැතිර යාම හේතුවෙන් එරටින් බිත්තර ආනයනය කිරීමට අවසර ලබා නොදෙන බව සත්ත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ ජනරාල් හේමාලි කොතලාවල පැවසුවාය.
ඉන්දියාවේ සහ පාකිස්ථානයේ පවතින කුරුළු උණ හේතුවෙන් එම රටවලින් බිත්තර ආනයනය කිරීමට කිසිදු හේතුවක් මත අවසර දිය නොහැකි බවයි ඇය කියා සිටියේ.
අවශ්‍ය නම් කුරුළු උණ නොමැති ඇමරිකා එක්සත් ජනපදය, බ්‍රසීලය, ඕස්ට්‍රේලියාව, නවසීලන්තය, තායිලන්තය, මැලේසියාව වැනි රටවලින් බිත්තර ආනයනය කිරීමට කිසිදු තහනමක් නොමැති බවද ඇය පැවසීය.