නවසීලන්තයේ නව අගමැතිවරයා ලෙස ක්‍රිස් හිප්කින්ස් තේරීපත්ව ඇති බව වාර්තා වනවා.
ඒ, සඳහා පාලක කම්කරු පක්ෂයේ ව්‍යවස්ථාදායකයන්ගේ ඒකමතික සහයෝගය හිමි වූ බවයි අල් ජසීරා පුවත් සේවය වාර්තා කළේ.
ඒ අනුව 44 හැවිරිදි වියේ පසුවන හිප්කින්ස් එරට 41 වැනි අගමැතිවරයා ලෙස මෙන්ම කම්කරු පක්ෂයේ නායකයා ලෙස ද පත්වනු ඇති.
ක්‍රිස් හිප්කින්ස් එළෙඹෙන බදාදා ඔහුගේ නව භූමිකාව සඳහා නිල වශයෙන් දිවුරුම් දෙනු ඇති බවයි විදෙස් මාධ්‍ය තොරතුරු වාර්තා කළේ.
නවසීලන්ත අගමැතිනී ජසින්ඩා ආර්ඩ්න් තමන් එම තනතුරෙන් ඉවත්වන බව දැනුම්දීමෙන් පසු වත්මන් අධ්‍යාපන සහ රාජ්‍ය සේවා අමාත්‍ය ක්‍රිස් හිප්කින්ස් එරට අගමැති තනතුර සඳහා ඉදිරිපත් වුණා.