පොලිස් නිලධාරීන් ලෙස පෙනී සිටිමින් ඉඩම් හිමි වැවිලිකරුවකුගේ නිවසට කඩා වැදී ඔහුට පිහියකින් ඇන තුවාල සිදුකර රුපියල් ලක්ෂ 10 ක් වටිනා රන් භාණ්ඩ සහ ජංගම දුරකථන දෙකක් කොල්ල කා ඇති බව මාරවිල මූලස්ථාන පොලීසිය පවසයි.
නාත්තණ්ඩිය දුන්කන්නාව ප්‍රදේශයේ පිහිටි ඉඩම් හිමි වැවිලිකරුවකුගේ නිවසකුයි මෙලස බිඳ ඇත්තේ. තුවාල ලැබූ ඉඩම් හිමි වැවිලිකරු මාරවිල රෝහලට ඇතුළත් කර තිබේ.
පානදුර වලාන දූෂණ මර්ධන ප්‍රහාරක බළකාය පොලිස් කණ්ඩායමක් ලෙස පෙනී සිටිමින් මෙම කණ්ඩායම ඉඩම් හිමි වැවිලිකරුගේ නිවසට කඩා වැදී මුලින්ම ඔහුගේ එක් පාදයකට පිහියෙන් ඇන තුවාල සිදුකර මෙම කොල්ලකෑම සිදුකර ඇතැයි පොලිස් ආරංචිමාර්ග පවසයි.
සැකකරුවන් සම්බන්ධයෙන් මෙතෙක් කිසිදු තොරතුරක් පොලිසියට ලැබී නොමැත.