සුළි කුණාටුවක අවදානම් තත්වයක් හේතුවෙන් නවසීලන්තයේ ඕක්ලන්ඩ් නගරයට හදිසි තත්වයක් ප්‍රකාශයට පත් කර ඇති බව විදෙස් මාධ්‍ය වාර්තා කළේ ය.
නගරවාසීන්ට හැකි ඉක්මණින් ආරක්ෂිත ස්ථාන කරා යොමුවන ලෙසට එරට කාලගුණ විද්‍යා අංශ දැනුම් දී ඇත.
මේ වනවිට ගේබ්‍රියෙල් නමැති සුළිකුණාටුවේ කේන්ද්‍රය නවසීලන්තයට සැතපුම් 910 ක් දකුණින් පිහිටා ඇත.
සුළි කුණාටුව හේතුවෙන් තද වැසි ඇති විය හැකි බවත් පැයට කිලෝමීටර 133ක පමණ වේගයකින් තද සුළං ද බලපෑ හැකි බවත් බලධාරීන් අනතුරු අඟවා ඇත.
ඒ හේතුවෙන් ගුවන් ගමන් රැසක් ද අවලංගු කර ඇත.