රනිල් වික්‍රමසිංහට උවමනා කළේ පොහොට්ටුවට ඡන්දය නොතියන බව ඡන්දය තබා පොහොට්ටුව හතරගාතෙන් වැට්ටවීමට බව ජාතික නිදහස් පෙරමුණේ නායක හිටපු අමාත්‍ය විමල් වීරවංශ පවසයි.
හලාවත ලේඩි රෝස් උත්සව ශාලාවේ දී පැවැති නිදහස් ජනතා සන්ධානයේ පුත්තලම් දිස්ත්‍රික් අපේක්ෂක හමුව අමතමින් හෙතෙම මේ බව අවධාරණය කළේය.
රනිල් වික්‍රමසිංහට උවමනා වෙලා තිබ්බේ ඡන්දය පැවැත්වීමට බවත් එතකොට පොහොට්ටුව හතරගාතයෙන් වැටී බැසිලාගේ ආධිපත්‍යය බිඳවැටෙන බවත් ඔහු පැවසුවා.
අපි හෙලිකොප්ටරය හදලා තියෙන්නේ වලව්වල මොකෙක් හරි ආපදාවලින් බේරාගන්න නොවන බවත් මැදමුලන වලව්ව සදහට ම අතහැර ආ නායකත්වයකින් හෙබි හෙලිකොප්ටරය ආවේ මහජනයා මුහුණ පා සිටින ආපදාවෙන් ඔවුන් බේරාගැනීමට බව ඔහු වැඩිදුරටත් පැවසුවා.