මුදල් අමාත්‍යාංශයේ ලේකම්වරයා මැතිවරණ කොමිසම හමුවට කැඳවන බව එහි සභාපති නීතිඥ නිමල් පුංචිහේවා පවසනවා.
මැතිවරණ කොමිසමේ සභාපතිවරයා ප්‍රකාශ කළේ පළාත් පාලන මැතිවරණය සඳහා කොමිසම ඉල්ලු මූල්‍ය ප්‍රතිපාදන මෙතෙක් ලබානොදීම සම්බන්ධයෙන් සාකච්ඡා කිරීමට ඔහු මෙලෙස කොමිසම හමුවට කැඳවන බවයි.
ඒ අනුව දැනට පවතින ගැටලු නිරාකරණය කර ගැනීමට හැකිවනු ඇති බවයි ඔහු විශ්වාසය පළ කරන්නේ. මේ අතර රජයේ මුද්‍රණලයාධිපතිනිය සමඟ ද මැතිවරණ කොමිසම සාකච්ඡා කර තිබෙනවා.
එහිදී මැතිවරණ කොමිසම විසින් ඇයට පෙන්වා දී ඇත්තේ, ව්‍යවස්ථාපිත කරුණක් බැවින් ඡන්ද පත්‍රිකා කඩිනමින් තමන් වෙත භාරදීමේ ඇති වගකීම පහදා දුන් බවයි.