නුවරඑළිය, හාවාඑළිය ප්‍රදේශයේ සිට තලවකැලේ ප්‍රදේශය දක්වා අධික වේගයෙන් ධාවනය වූ ත්‍රිරෝද රථයක් රදැල්ල කෙටි මාර්ගයේ දී මාර්ගයෙන් ඉවතට පැන අනතුරට ලක් ව තිබෙනවා.
ඊයේ (14) රාත්‍රී 7.30ට පමණ නානුඔය – රදැල්ල කෙටි මාර්ගයේ කාර්බර්ග් වතුයායේ ධාවනය වෙමින් තිබූ ත්‍රීරෝද රථය මාර්ගයෙන් ඉවතට පැන ජලය ගලා බසින කාණුවක ගැටීමෙනුයි මෙම අනතුර සිදුව ඇත්තේ.
අප වාර්තාකරු සඳහන් කළේ පසුගියදා පාසල් ළමුන් ගමන් ගත් බස් රථයක් සහ තවත් වෑන් රථයක් එකිනෙක ගැටීමෙන් අනතුර සිදුවූ ස්ථානයේ ම මෙම අනතුර සිදුව ඇති බවයි.
ත්‍රිරෝද රථයේ ගමන් ගත් රියදුරා සහ තවත් දෙදෙනෙකු බරපතල තුවාල ලැබීමෙන් නුවරඑළිය දිස්ත්‍රික් මහ රෝහලට ඊයේ (14) රාත්‍රියේ ඇතුළත් කෙරුණා. අනතුරෙන් ත්‍රීරෝද රථයට දැඩි අලාභ හානි සිදුව ඇති අතර අනතුර සම්බන්ධයෙන් නානුඔය පොලිසිය විසින් වැඩිදුර පරීක්ෂණ ක්‍රියාත්මකයි.