යුක්රේනයට එරෙහි යුද මෙහෙයුම් ආරම්භ කළ රුසියාව, මානව හිමිකම් උල්ලංඝනය කරන බවට ඇමෙරිකාවේ උප ජනාධිපතිනි කමලා හැරිස් චෝදනා කරනවා.
ඇය මේ බව ප්‍රකාශ කළේ ජර්මනියේ මියුනිච් නුවර පැවැති ආරක්ෂක සමුළුවට එක්වෙමින්.
රාජ්‍ය නායකයන් රැසක් මෙම සමුළුවට සහභාගී වූ අතර, සමුළුවේ පුමුඛ අවධානය යොමු වූයේ යුක්රේන අර්බුදය සමබන්ධයෙනුයි.
රුසියාව, යුක්රේනයට එරෙහිව මෙහෙයුම් ආරම්භ කරනු ලැබුවේ පසුගිය 2022 වසරේ පෙබරවාරි 24 වැනිදායි.
යුක්රේනය ආක්‍රමණයට පැමිණ සිටින රුසියන් හමුදා සිවිල් වැසියන් ඝාතනය කරන බවත්, යුක්රේන කාන්තාවන්ට ලිංගික හිරිහැර සිදු කරන බවටත් පැමිණිලි ලැබී ඇතැයි ඇමෙරිකා උප ජනාධිපතිනිය ආරක්ෂක සමුළුවේදී පෙන්වා දී තිබෙනවා.