ලිංගික කටයුත්තක් සඳහා සිය කැමැත්ත ලබා දීමට කෙනකු සුදුසුකම් ලබන වයස අවුරුදු 13 සිට 16 දක්වා වැඩි කිරීමට ජපානය තීරණය කර ඇති බව විදෙස් මාධ්‍ය වාර්තා කරයි.
ජර්මනියේ සහ ඉතාලියේ මෙම වයස් සීමාව අවුරුදු 14 ක් වන අතර ප්‍රංශයේ එය අවුරුදු 15ක් ලෙසත් එක්සත් රාජධානියේ එය අවුරුදු 16 ක් ලෙසත් සම්මත කර ටිබේ.
සංවර්ධිත රටවල් අතරින් මේ වනවිට මේ සම්බන්ධයෙන් අඩුම වයස් සීමාවක් ක්‍රියාත්මක වන්නේ ජපානයේ වන අතර එරට අධිකරණ අමාත්‍යාංශය විසින් පත් කරන ලද විශේෂඥ මණ්ඩලය ජපානයේ එම වයස් සීමාව ඉහළ දැමීම සඳහා යෝජනා කර ඇත.
ලිංගික අපරාධවලට අදාළ නීතිවල විශාල සංශෝධනයක් සිදු කිරීමට ජපානය සූදානම් වන බවයි වාර්තා වන්නේ. එහි එක් පියවරක් ලෙස මෙම තීරාය ගනු ලැබේ.