හිටපු අමාත්ය ජොන්ස්ටන් ප්රනාන්දුට එරෙහි කොළඹ මහාධිකරණයේ ගොනුකර ඇති අල්ලස් නඩුව විභාගයට ගැනීමට කොළඹ මහාධිකරණය අද (27) නියම කළා.
2014 වසරේදී සතොස ආයතනයේ සේවකයන් පිරිසක් නිල රාජකාරීවලින් පරිබාහිරව පුද්ගලික කටයුතුවල යෙදවීමට එරෙහිව හිටපු වෙළෙඳ අමාත්ය ජොන්ස්ටන් ප්රනාන්දු, හිටපු සතොස සභාපති එරාජ් ප්රනාන්දු ඇතුළු තිදෙනෙකුට එරෙහිව අල්ලස් කොමිසම මෙම නඩුව ගොනුකොට තිබුණා.
ඒ අල්ලස් පනතේ දූෂණය නැමැති වරද සිදුකළ බවට චෝදනා නගමින්. කෙසේ වෙතත් මෙම විමර්ශනයේදී අවශ්ය කොමසාරිස්වරුන් තිදෙනාගේම නිර්දේශය ලබාගෙන නොමැති බැවින් නඩුව පවත්වාගෙන යාමට නොහැකි බවට විත්තිය වෙනුවෙන් මූලික විරෝධතාවයක් මතුවූ අතර එය ප්රතික්ෂේප කරමින් කොළඹ මහාධිකරණ විනිසුරු මංජුල තිලකරත්න මහතා මෙම නඩුව විභාගයට ගැනීමට නියම කළා.
ඒ අනුව එම නඩුව මැයි මස 10 වනදා යළි කැඳවීමට නියමිතය.