වී ප්‍රසම්පාදනය, සහල් නිෂ්පාදනය සහ අලෙවිය සඳහා අය කරන ලද සමාජ ආරක්ෂණ දායකත්ව බද්ද ඉවත් කිරීමෙන් පසු සහල් මිලෙහි සැලකිය යුතු අඩුවීමක් රජය අපේක්ෂා කරයි.
වී ප්‍රසම්පාදනය, සහල් නිෂ්පාදනය සහ අලෙවිය සඳහා වන සමාජ ආරක්ෂණ දායකත්ව බද්ද සංශෝධනය කිරීමට මුදල්, ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා වශයෙන් ජනාධිපති රනිල් වික්‍රමසිංහ පසුගියදා අමාත්‍ය මණ්ඩලයේ අනුමැතිය ඉල්ලා සිටියේය.
මේ සම්බන්ධයෙන් ඊයේ මාධ්‍ය නිවේදනයක් නිකුත් කළ මුදල් රාජ්‍ය අමාත්‍ය රංජිත් සියඹලාපිටිය කියා සිටියේ මෙම ක්‍රියාව නුදුරු අනාගතයේදී වෙළඳපොලේ සහල් මිලෙහි සැලකිය යුතු අඩුවීමක් ඇති කිරීමට හේතු වනු ඇති බවයි.