Become a member

Get the best offers and updates relating to Liberty Case News.

― Advertisement ―

spot_img

පාප් වහන්සේ බන්ධනාගාරගත කාන්තාවන්ගේ පා සෝදයි

ඊයේ (28) මහා බ්‍රහස්පතින්දා දේව මෙහෙයට සමගාමීව ෆ්‍රැන්සිස් පාප් වහන්සේ රෝමයේ බන්ධනාගාරයක කාන්තාවන් 12 දෙනෙකුගේ පාද දෝවනය කර තිබෙනවා. මහ බ්‍රහස්පතින්දා වාර්ෂික දේව මෙහෙය අතරතුර...
HomeNewsසුදු වෑන් නඩුවේ සැකකරුවෙකුට වරෙන්තු

සුදු වෑන් නඩුවේ සැකකරුවෙකුට වරෙන්තු

පසුගිය ජනාධිපතිවරණ සමයේ මහත් ආන්දෝලනයකට තුඩුදුන් සුදු වෑන් මාධ්‍ය සාකච්ඡා සිද්ධිය සම්බන්ධයෙන් ගොනු කර ඇති නඩුවේ ප්‍රධාන සාක්ෂිකරුවකු වශයෙන් නම් කර සිටින එම මාධ්‍ය සාකච්ඡාවට සහභාගි වූ සකලවල්ලි ආරච්චිගේ සරත් කුමාර නමැත්තා අද දින සාක්ෂි දීම සඳහා අධිකරණය හමුවේ පෙනී නොසිටීම හේතුවෙන් ඔහු අත්අඩංගුවට ගෙන අධිකරණයට ඉදිරිපත් කරන ලෙස දන්වා කොළඹ මහාධිකරණය අද වරෙන්තු නිකුත් කළා.

මෙම නඩුව අද කොළඹ මහාධිකරණ විනිසුරු දමිත් තොටවත්ත ඉදිරියේයි විභාගයට ගනු ලැබුවේ. එම අවස්ථාවේ දී සකල වන්නිආරච්චිගේ සරත් කුමාර නමැති සාක්ෂිකරු අධිකරණය හමුවේ පෙනී නොසිටි බවයි අප වාර්තාකරු සඳහන් කළේ.

ඒ අනුව සැකකරු අත්අඩංගුවට ගෙන ඉදිරිපත් කරන ලෙස දන්වා මහාධිකරණ විනිසුරුවරයා විසින් වරෙන්තු නිකුත් කළා. අනතුරුව ජේෂ්ඨ නියෝජ්‍ය සොලිසිටර් ජෙනරාල් දිලීප පීරිස්ගේ මෙහෙයවීම යටතේ අදාළ මාධ්‍ය සාකච්ඡාවට සහභාගී වූ තවත් පුද්ගලයෙකු වන අතුල සංජීව මදනායක නමැත්තා සාක්ෂි ලබා දුන්නා.

මෙහිදී සාක්ෂිකරු කියා සිටියේ අදාළ මාධ්‍ය සාකච්ඡාවේදී තමන් විසින් ප්‍රකාශ කළ කරුණු සම්බන්ධයෙන් තමන්ට හොඳ මතකයක් පවතින බවයි. එම මාධ්‍ය සාකච්ඡාවේදී තමා ප්‍රකාශ කළේ තම ජීවිතයේදී අත්විඳින්නට සිදුවූ සත්‍ය සිදුවීම් බවත් ඔහු කියාසිටියා.

මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගත් බවත් ඉන් පසුව අපරාධ පරීක්ෂණ දෙපාර්තමේන්තුවේ බලපෑම මත තමන් විසින් මහේස්ත්‍රාත්වරයා ඉදිරියේ විත්තිකාර රාජිත සේනාරත්න සම්බන්ධයෙන් අසත්‍ය ප්‍රකාශ සිදුකළ බවත් සාක්ෂිකරු කියා සිටියා. රන් භාණ්ඩ කොල්ලකෑම සම්බන්ධයෙන් තමන්ට එරෙහිව මහාධිකරණය හමුවේ නඩුවක් විභාග වෙමින් පවතින බවත් සාක්ෂිකරු පිළිගත්තා.

මෙම අවස්ථාවේදී විත්තිය වෙනුවෙන් පෙනී සිටි නීතිඥවරු හරස් ප්‍රශ්න විමසීමක් සිදු කළේ නැහැ. අනතුරුව වැඩිදුර නඩු විභාගය ජුනි මස 08 වනදාට කල් තැබුණා. 2019 වසරේ නොවැම්බර් මස 10 වනදා කොළඹ පැවති අදාළ මාධ්‍ය සාකච්ඡාව හරහා එවක ජනාධිපති අපේක්ෂක ගෝඨාභය රාජපක්ෂ ට අගතියක් සිදු කිරීමේ අරමුණින් බොරු සාක්ෂි නිර්මාණය කිරීම, ජනාධිපතිවරණයේ ප්‍රතිඵලවලට බලපෑමක් ඇතිවිය හැකි ආකාරයේ දූෂිත ක්‍රියාවක් සිදු කිරීම සම්බන්ධයෙන් දණ්ඩ නීති සංග්‍රහය යටතේ හිටපු අමාත්‍ය රාජිත සේනාරත්න සහ රාජ්‍ය ඖෂධ නීතිගත සංස්ථාවේ හිටපු සභාපති මොහොමඩ් රූමි යන විත්තිකරුවන් දෙදෙනාට එරෙහිව මෙම නඩුව කර තිබෙනවා.