ඉන්ධන නිෂ්පාදන පිරිවැය සහ එහි විකුණුම් ලාභය බලශක්ති අමාත්‍ය කංචන විජේසේකර විසින් නිකුත් කර තිබේ.
මේ අනුව පෙට්‍රල්, ඩීසල් සහ භූමිතෙල් හරහා ලංකා ඛනිජ තෙල් නීතිගත සංස්ථාව වැඩි ලාභයක් ලබන බව අනාවරණය වී තිබේ. ඛනිජ තෙල් නීතිගත සංස්ථාව ඔක්ටේන් 95 පෙට්‍රල් ලීටරයකින් රුපියල් 110.35ක ලාභයක් ලබන අතර ඔක්ටේන් 92 පෙට්‍රල් ලීටරයකින් රුපියල් 26.38ක ලාභයක් ලබයි.
ඔටෝ ඩීසල් හරහා රුපියල් 4.73 ක ලාභයක් සහ සුපර් ඩීසල් හරහා රුපියල් 12.90 ක ලාභයක් ලැබේ. භූමිතෙල් මිල අඩු කළද ඒ හරහා රුපියල් 3.63ක ලාභයක් ලබා ඇති බව වාර්තා වේ.