වැල්ලවාය ඇල්ල මාර්ගයේ එකේ කණුව ප්‍රදේශයේදී එළවළු ප්‍රවාහනය කරමින් තිබූ ලොරි රථයක් සහ ටිපර් රථයක් එකිනෙක ගැටීමෙන් අනතුරක් සිදු වී තිබේ.
ටිපර් රථයේ පිටුපස එළවළු ප්‍රවාහනය කරමින් තිබූ ලොරි රථය ගැටීමෙන් මෙම අනතුර සිදු වී ඇති අතර අනතුරින් පසු එළවළු ප්‍රවාහනය කළ ලොරි රථයේ ගමන් කළ රියදුරු සහ රිය සහයක ලොරි රථය තුළ සිර වී ඇත.
ඔවුන් බේරාගැනීම සඳහා පැයකට ආසන්න කාලයක් දැඩි පරිශ්‍රමයක් දැරීමට ප්‍රදේශවාසින්ට සිදු වී ඇති අතර එලෙස බේරාගත් ඔවුන් දෙදෙනා වැල්ලවාය මූලික රෝහලට ඇතුළත් කර ඇත.
අනතුර සම්බන්ධයෙන් වැල්ලවාය පොලිස් ස්ථානයේ නිලධාරීන් විසින් ඉදිරි විමර්ශන සිදු කරයි.