තමිල්නාඩුවේ සරණාගත කඳවුරු 3ක රැඳී සිටි ශ්රී ලාංකිකයින් 06 දෙනෙල් නවසීලන්තයට පළායාමට උත්සාහ කිරිමේදී ඉන්දීය පොලීසිය විසින් අත්අඩංගුවට ගෙන ඇති බව විදෙස් මාධ්ය වාර්තා කරයි.
ඔවුන් විසින් තමිල්නාඩුවේ පුම්පුහාර්හි බෝට්ටු හිමිකරුවෙකුට අත්තිකාරම් මුදලක් ලබා දී බෝට්ටුවක් මිලදී ගැනීමට කටයුතු කර ඇති බවත් අදාළ පුද්ගලයින් බෝට්ටුවක් මාර්ගයෙන් නවසීලන්තයට පළා යාමට උත්සාහ දරා ඇති බවත් ඉන්දීය මාධ්ය වාර්තා කර තිබේ.
තමිල්නාඩු පොලීසියේ කියුබ්රාන්ච් ශාඛාවේ අපරාධ පරීක්ෂණ දෙපාර්තමේන්තුවේ නිලධාරින්ට ලැබුණු තොරතුරකට අනුවයි මෙම සැකකරුවන් පිරිස අත්අඩංගුවට ගෙන ඇත්තේ.
මොවුන් තූත්තුකුඩි දිස්ත්රික්කයේ කුලතුවෙප්පට්ටි, ක්රිෂ්ණගිරි දිස්ත්රික්කයේ කෙරවලපල්ලි, වෙල්ලෝර් දිස්ත්රික්කයේ ගුඩිමල්ලූර් කඳවුරේ රැඳී සිටි සරණාගතයින් 06 දෙනෙක් බවයි අනාවරණය වී ඇත්තේ.