ලෝකයේ දැවැන්තම ආර්ථිකය හිමි ඇමෙරිකා එක්සත් ජනපදයේ බැංකුවක් පැය 48ක් තුළ කඩා වැටීම් ජාත්‍යන්තර මූල්‍ය වෙළෙඳ පොළේ ප්‍රධාන මාතෘකාව බවට පත් වෙද්දි ව්‍යාපාරික ලෝකය විස්මයටත්, භීතියටත් පත් කර තිබෙනවා.
මෙලෙස කඩා වැටුණේ ශාඛා 17කින් සමන්විත සිලිකන් වැලි බැංකුව්යි (Silicon Valley Bank – SVB). මෙහි ප්‍රධාන ගනුදෙනුකරුවන් වූයේ Startup companies, Venture capital firms e Tech companies.
පසුගිය බදාදා සිට සිකුරාදා දක්වා සැය 48ක් තුළ කඩා වැටුණු මෙම බැංකුවේ සියලු මූල්‍ය වගකීම සහ තැන්පතු කැලිෆෝර්නියානු මූල්‍ය බලධාරීන් මේ වන විට අත්පත් කරගෙන සිටිනවා.
ඇමෙරිකා එක්සත් ජනපද බැංකුවක 2008 වසරෙන් පසු සිදු වූ දැවැන්තම් කඩා වැටීම මෙයයි.
බැංකුව සතුව ඇති තැන්පතු ප්‍රමාණය ඇමෙරිකානු ඩොලර් බිලියන 175ක් පමණ වන අතර, ඇමෙරිකාවේ 16 වැනි විශාලතම බැංකුව වන සිසිලිකන් වැලි බැංකුව සතු වත්කම් ප්‍රමාණය ඇමරිකානු ඩොලර් බිලියන 209 ක්.
මෙම අර්බූදයත් සමග ඉදිරියේදි තැන්පත්කරුවන් සහ ණයකරුවන් සමග ගනුදෙනු කරන්නේ කෙසේද යන කාරණාව සම්බන්ධයෙන් මූල්‍ය බලධාරීන් මේ වන විට අවධානය යොමු කරමින් සිටිනවා.
මෙවන් ප්‍රබල රටක ප්‍රබල බැංකුවක් පැය 48ක් තුල කඩා වැටීම මූල්‍ය වෙළෙඳපොළ ක්‍රියාත්මක වන ආකාරය පිළිබඳ අවබෝධ කර ගැනිමට මනා නිදර්ශනයක්.