කැලිෆෝනියා වෙරළට ඔබ්බෙන් වූ මුහුදු ප්‍රදේශයේ සිදු වූ බෝට්ටු අනතුරකින් පුද්ගලයින් 08 දෙනෙක් ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.
නීතිවිරෝධී සංක්‍රමණිකයින් රැගත් බෝට්ටු දෙකක් පෙරලීයාමෙන් මෙම අනතුර සිදුව ඇති බවයි වාර්තා වන්නේ.
එහිදී දියේ ගිලීමෙන් තවත් පුද්ගලයින් පිරිසක් අතුරුදන්ව ඇති අතර එම යාත්‍රාවල සිටි පුද්ගලයින්ගේ ජාතිකත්වය මෙතෙක් හදුනාගෙන නොමැති බවයි විදෙස් මාධ්‍ය වාර්තා කරන්නේ.
අතුරුදන් වූ පුද්ගලයින් සොයා කැලිෆෝනියා හදිසි අනතුරු අංශ සෝදිසි මෙහෙයුම් ආරම්භ කර තිබේ.