ජනශක්ති සමූහ ව්‍යාපාරයේ අධ්‍යක්ෂක දිනේශ් ශාෆ්ටර්ගේ මරණය සම්බන්ධ වැඩිදුර මහේස්ත්‍රාත් පරීක්ශනය ලබන 04 වැනිදා තෙක් කල් තැබීමට කොළඹ අතිරේක මහේස්ත්‍රාත් අධිකරණය අද (22) නියෝග කළේය.
මෙම සිද්ධියට අදාළ මහේස්ත්‍රාත් පරීක්ෂණය අද (22) යළිත් අධිකරණය හමුවේ යළි කැඳවූ අවස්ථාවේදීයි මෙම නියෝගය නිකුත් කර ඇත්තේ.
මෙම මරණය සිය දිවි හානි කර ගැනීමක්ද නැතහොත් ඝාතනයක් ද යන්න තීරණය කිරීම සඳහා පංච පුද්ගල විශේෂ වෛද්‍ය මණ්ඩලයක් පත්කර ඇති බවත් මෙය දීර්ඝ විමර්ශනයක් බවට පත්වී ඇති බවත් අගතියට පත් පර්ශ්වය වෙනුවෙන් අධිකරණය හමුවේ පෙනී සිටි ජනාධිපති නීතිඥ අනූජ ප්‍රේමරත්න පැවසීය.
ඒ අනුව මෙම නඩුව කැඳවීම සඳහා ලබන අප්‍රේල් මස 04 වැනිදා දක්වා නඩුව කල් තැබීමට අතිරේක මහේස්ත්‍රාත්වරයා නියෝග කළේය.