ස්වාධීන කොමිෂන් සභා සඳහා සාමාජිකයින් තෝරා ගැනීමට අදාළ පරීක්ෂණ කටයුතු අද (27) දිනයේදීද සිදුකරීමට නියමිතය.
මීට අදාළ කටයුතු පසුගිය සතියේදී ආරම්භ වූ අතර පසුගිය සතියේ අවස්ථා කිහිපයකදී ව්‍යවස්ථාදායක සභාව රැස් වී තිබේ.
මැතිවරණ කොමිසම, සීමානීර්ණ කොමිසම, ජාතික පොලිස් කොමිසම ඇතුළු කොමිෂන් සභා 10ක් සඳහා සාමාජිකයින් පත්කිරීමට අදාළ අයදුම් පත් කැඳවීම පසුගියදා සිදු කරනු ලැබූ අතර මේ සඳහා අයදුම්පත් 2,000කට ආසන්න සංඛ්‍යාවක් ලැබී තිබේ.
මෙම අයදුම්පත් වෙන වෙනම කාණ්ඩ යටතට පත් කිරීමෙන් අනතුරුව පරීක්ෂණ කටයුතු සඳහා පුද්ගලයින් කැඳවා තිබෙන අතර පරීක්ෂණ කටයුතු අවසන් වීමෙන් අනතුරුව අදාළ නාම ලේඛනය ජනාධිපතිවරයා වෙත ඉදිරිපත් කිරීමට නියමිතය.