ඉදිරි ජනාධිපතිවරණයකදී ශ්රී ලංකා පොදුජන පෙරමුණේ ජනාධිපති ධූර අපේක්ෂකයා ලෙස ජනාධිපති රනිල් වික්රමසිංහ ඉදිරිපත් කිරීමට යෝජනා වී ඇති බව අමාත්ය කංචන විජේසේකර පැවසීය.
අමාත්යවරයා මේ බව ප්රකාශ කළේ ඊයේ (03) රාත්රී පෞද්ගලික රූපවාහිනී නාලිකාවක විකාශය වූ දේශපාලන වැඩසටහනකට එක්වෙමිනි.
“අනිවාර්යෙන්ම ජනාධිපති අපේක්ෂකයා ගැන කතා වෙනවා. මේ මොහොතේ රනිල් වික්රමසිංහ මැතිතුමා නැවත වතාවක් ජනාධිපතිවරයා බවට පත්කළ යුතුයි කියන මතයක් වැඩිපුර අපේ මන්ත්රී කණ්ඩායම තුළ තියෙනවා. පොහොට්ටුවේ මන්ත්රීවරුන්ගේ. මම හිතන්නේ නෑ ඒකේ වැරැද්දක් තියෙනවා කියලා. අපි දන්නේ නෑ ඊළඟ මැතිවරණය කුමක් ද කියලා. ජනාධිපතිවරණයක් නම් ලැබෙන්නේ, අපි ඒ සඳහා ඒ අවස්ථාවේ දී පක්ෂයක් හැටියට සුදුසුම හොඳම පියවර ගනී.“