තවත් න්‍යෂ්ටික දිය යට ප්‍රහාරක ඩ්‍රෝන යානයක් උතුරු කොරියාව විසින් අත්හදා ඇති බව විදෙස් මාධ්‍ය වාර්තා කළේ ය.
එය හෙයිල් ටූ ලෙසින් නම් කර ඇති මෙම යානයෙන් දිය යටින් ගොස් නෞකා සහ සබ්මැරීනවලට පහරදීමේ හැකියාව ඇත.
උතුරු කොරියානු රාජ්‍ය මාධ්‍ය වාර්තා කර ඇත්තේ, හෙයිල් හෙවත් කොරියානු බසින් සුනාමි ලෙස අරුත් ගැන්වෙන මෙම ප්‍රහාරක අවියෙන් විකිරණශීලී සුනාමියක් නිර්මාණය කළ හැකි බවයි.
මෙම යානය මගින් සිදුකෙරෙන න්‍යෂ්ටික පිපිරීමකින් පසු, සුනාමියක් සේ දසත විහිදී පැතිරී යන ඇසට නොපෙනෙන විකිරණ මගින් පණ ඇති සියලු දේම විනාශ වී යා හැකි ය.