කඳාන ප්‍රදේශයේ සම්භාහන මධ්‍යස්ථානයක් තුළදී පුද්ගලයෙකු ජීවිතක්ෂයට පත්ව ඇති බව පොලීසිය පවසයි.
මෙලෙස ජීවිතක්ෂයට පත්ව ඇත්තේ කඳාන නාගොඩ ප්‍රදේශයේ පදිංචි වයස අවුරුදු 42ක පමණ විවාහක පුද්ගලයෙකු බවයි වාර්තා වන්නේ.
මොහු ඊයේ මධ්‍යම රාත්‍රියේ සම්භාහන මධ්‍යස්ථානය වෙත පැමිණ ඇති අතර අද අලුයම් කාලයේදී ඔහු සම්භාහන මධ්‍යස්ථානය තුළදී ජීවිතක්ෂයට පත්ව තිබේ.
පොලීසිය සැක පළ කරන්නේ හෘදයාබාධයක් හේතුවෙන් ඔහු මියයන්නට ඇති බවයි.
සිද්ධිය සම්බන්ධයෙන් කඳාන පොලීසිය වැඩිදුර විමර්ශන සිදුකරනු ලබයි.