රුසියානු ජනාධිපති ව්ලැදිමිර් පුටින් සහ චීන ආරක්ෂක අමාත්‍ය ලී ෂැංෆු අතර හමුවක් සිදුව ඇති බව විදෙස් මාධ්‍ය වාර්තා කරයි.
මෙය අමාත්‍ය ධුරයට පත්වීමෙන් පසු ලී ෂැංෆුගේ ප්‍රථම විදේශ සංචාරය වීම විශේෂත්වයකි.
මෙම හමුව පවත්වා ඇත්තේ රුසියාවේදී වන අතර එහිදී ආර්ථික, දේශපාලන සහ යුද සබදතා ශක්තිමත් කිරීම සම්බන්ධයෙන් වැඩිදුරටත් සාකච්ඡා වී තිබේ.
එහිදී චීන ආරක්ෂක අමාත්‍යවරයා රුසියානු ජනාධිපතිවරයා හමුවේ පවසා ඇත්තේ දෙරට අතර සබඳතාවලට සීමාවක් නොමැති බවත් යුද මෙන්ම තාක්ෂණික තොරතුරු හුවමාරු කරගැනීම සඳහා සහයෝගයෙන් කටයුතු කිරීමට තම රට ඉතාමත්ම කැමැත්තෙන් සිටින බවත්ය.