ජර්මනියේ ප්‍රධාන ගුවන්තොටුපොළ දෙකක සේවකයින් වැඩවර්ජනයක් ආරම්භ කර ඇති බව විදෙස් මාධ්‍ය වාර්තා කරයි.
මෙම වැඩ වර්ජනය හේතුවෙන් එහි ගුවන් ගමන්වලට බාධා එල්ල වී ඇති බවයි වාර්තා වන්නේ.
විදෙස් මාධ්‍ය වාර්තා කරන්නේ ආරක්ෂක සේවකයින් සහ ගොඩබෑමේ කටයුතු හා සම්බන්ධ සේවකයින් වැටුප් වැඩිකරන ලෙසට ඉල්ලා එක්දින වර්ජනයක් කැඳවා ඇති අතර ඒ හේතුවෙන් බර්ලින් සහ හැම්බර්ග් ගුවන්තොටුපොළවල කටයුතු නැවතී ඇති බවයි.
මේ වනවිට බර්ලින් බ්‍රෑන්ඩන්බර්ග් ගුවන්තොටුපොළේ සියලු පිටත්වීම් තාවකාලිකව අත්හිටුවා ඇති අතර ගුවන්යානා ගොඩබෑමට ද බාධා එල්ල විය හැකි බවටි එහි සේවකයින් පවසන්නේ.