නවසීලන්තයේ යවනවැයි මුදල් ගැරූ අයෙක් අත්අඩංගුවට

නීතිවිරෝධී ලෙස බෝට්ටුවකින් නවසීලන්තයට රැගෙන යන බව පවසමින් මුදල් වංචාකළ පුද්ගලයෙකු මුන්දලම පොලිසිය විසින් අත්අඩංගුවට ගෙන තිබේ.

මෙලෙස අත්අඩංගුවට ගත් සැකකරු වයස අවුරුදු 24ක් වූ බංගදෙණිය ප්‍රදේශයේ පදිංචිකරුවෙක් වන අතර මොහු විදෙස්ගත කරන බව පවසමින් බොහෝ පිරිසකගෙන් මුදල් අයකරගෙන ඇති බවයි අනාවරණය වී ඇත්තේ.

රුපියල් 5,050,000ක මුදලක් ඔහු වංචා කර ඇති අතර මුන්දලම පොලීසිය වැඩිදුර විමර්ශන සිදුකරනු ලබයි.

ඔහු අද (27) පුත්තලම මහෙස්ත්‍රාත් අධිකරණයට ඉදිරිපත් කිරීමට නියමිතය.