පාලන මිල ඉක්මවා වැඩි මිලට බිත්තර අලෙවි කළ වෙළෙඳුන් තිදෙනෙකුට රුපියල් ලක්ෂ තුනක දඩ මුදලක් ගෙවන ලෙස නුවරඑළිය මහෙස්ත්‍රාත් සංජිව නාලක වීරසිංහ නියෝග කර තිබේ.
නුවරඑළිය දිස්ත්‍රික් පාරිභෝගික සේවා අධිකාරි කාර්යාලයේ නිලධාරින් විසින් ඊයේ (03) ඔවුන් තිදෙනා මහෙස්ත්‍රාත් අධිකරණය වෙත ඉදිරිපත් කර ඇත.
එම චුදිතයන් තිදෙනා නුවරඑළිය, නානුඔය සහ ලිදුල ආගරකන්ද ප්‍රදේශවල පදිංචිකරුවන් බවයි අනාවරණය වී ඇත්තේ.