― political ―

2019 වගේ ආයෙත් පුහු වීරයෙක්ට රැවටෙන්න එපා

මීට වසර 5කට පෙර ජනතාව රැවටී බංකොලොත් වූ බවත් මෙවර අප තීරණ ගත යුත්තේ පවතින බංකොලොත් භාවයෙන් ගොඩ එනවාද නැතිනම් පවතින බංකොලොත්භාවයෙන් තවත් බංකොලොත්භාවයට...
HomeNewsඡායාරූප මාධ්‍යවේදියෙකුට ලැබිය හැකි ලොව විශිෂ්ටතම සම්මානයට ලාංකිකයෙකුගේ නමත්

ඡායාරූප මාධ්‍යවේදියෙකුට ලැබිය හැකි ලොව විශිෂ්ටතම සම්මානයට ලාංකිකයෙකුගේ නමත්

මාධ්‍යවේදියෙකුට ලැබිය හැකි ලොව විශිෂ්ටතම සම්මානය ලෙස සැලකෙන පුලිට්සර් ත්‍යාගය වෙනුවෙන් අවසාන නාමයෝජනා අතරට ශ්‍රී ලාංකික ඡායාරූප ශිල්පියෙක් නම් වී තිබේ.

ASSOCIATED PRESS (AP) ඡායාරූප මාධ්‍යවේදී එරංග ජයවර්ධනගේ නමයි මෙලෙස නිර්දේශ වී ඇත්තේ.

ඔහු සමග මේ සම්මානය සඳහා නිර්දේශිත අවසාන අනෙක් ශිල්පියාත් ඊට නම් වී ඇත්තේ පසුගිය වසරේ ශ්‍රී ලංකාවේ අරගලයේ නිරත තරුණයින්ගේ හැඟීම් ඡායාරූපයට කැටිකර ගැනීම වෙනුවෙන් වීම විශේෂත්වයකි.

ප්‍රවෘත්ති ඡායාරූප – බ්‍රේකින් නිව්ස් – කාණ්ඩය යටතේ පුලිට්සර් ත්‍යාගය සඳහා එරංග ජයවර්ධන සමග මුම්බායි පදනම් කරගනිමින් වාර්තාකරණයේ යෙදෙන ඡායාරූප ශිල්පී රෆීක් මක්බූල් අවසන් වටයට නම් වී ඇති බවයි වාර්තා වන්නේ.

ශ්‍රී ලංකාවේ ආර්ථික කඩාවැටීම සමග මතු වූ ජනතා කෝපයත්, අරගලය සහ ඒ ආශ්‍රිතව මතුවුණු ජනතා හැසිරීම් ඡායාරූපයට ග්‍රහණය කර ගත් ආකාරය හේතුවෙනුයි මොවුන් දෙදෙනාම අවසන් වටයට යෝජනා වී තිබෙන්නේ.

ආර්ථික අර්බුදය හේතුවෙන් මතු වූ ජනතා කෝපය ග්‍රහණය කර ගැනීමටත් මිනිස් හැඟීම්වල සම්පූර්ණ පරාසය ඡායාරූප තුළට කැටිකර ගැනීමටත් ඡායාරූප ශිල්පී එරංග ජයවර්ධනට හැකි වී ඇත.

දෙදෙනාගේම ඡායාරූපවල උද්ඝෝෂකයින් අරගලයේදී ජනාධිපති මන්දිරය ඇතුළු රාජ්‍ය ආයතන අත්පත් කර ගත් ආකාරය ද මැනවින් සටහන් කරගෙන තිබේ.

එරංග ජයවර්ධන වසර 20 කට වැඩි කාලයක් පුරා ප්‍රධාන ස්වභාවික, සමාජ-දේශපාලන සහ විනෝදාස්වාද සිදුවීම්වල ප්‍රවෘත්ති ඡායාරූපකරණයේ සාක්ෂිකරුවෙකු සහ වාර්තාකරුවෙකු ලෙස කටයුතු කර ඇති අයෙකි.

පාසල් සමයේ සිටම ඡායාරූප ශිල්පයට යොමු වූ ඔහු 2002 දී ඇසෝසියේටඩ් ප්‍රෙස් සමග සම්බන්ධ වී අතර ශ්‍රී ලංකාව සහ අසල්වැසි මාලදිවයිනේ ඡායාරූප ආවරණය කිරීමේ වගකීම දරයි.