නවසීලන්තයේ නේවාසිකාගාරයක සිදුවූ ගිනි ගැනීමකින් පුද්ගලයින් 06 දෙනෙක් ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.
නවසීලන්තයේ වෙලින්ටන්හි මහල් 04කින් යුත් නේවාසිකාගාරයකයි මෙම ගින්න හටගෙන ඇත්තේ.
ගොඩනැගිල්ලේ සිර වී සිටි පිරිසක් මුදාගෙන ඇති අතර එහි තවත් පිරිසක් සිරවී සිටිනු ඇතැයි සැක පළ කරන බවයි එරට පොලීසිය පවසන්නේ.
ගින්නට හේතුව මෙතෙක් අනාවරණය වී නොමැති අතර ගින්න නිවීම සඳහා ගිනිනිවන රථ 20ක් පමණ යොදාගෙන ඇති බවයි විදෙස් මාධ්‍ය වාර්තා කරන්නේ.
