― political ―

ජනාධිපතිවරණයෙන් මගේ ජය, පැරදුම තීරණය වෙන්නෑ

ඉදිරි ජනාධිපතිවරණයේදී තීරණය වන්නේ තම ජය, පැරදුම නොව රටේ ජයග්‍රහණය හෝ පරාජය බව ජනාධිපති රනිල් වික්‍රමසිංහ පවසනවා. ජනාධිපතිවරයා මේ බව සඳහන් කළේ ආර්ථික ප්‍රතිසංස්කරණ ආංශික...
HomeNewsPoliticalජනපති සමඟ පැවති සාකච්ජාවේදී මතභේදයක්

ජනපති සමඟ පැවති සාකච්ජාවේදී මතභේදයක්

තමන්ට අවශ්‍ය වන්නේ ගෝලීය ස්වයං තීරණ අයිතිය යටතේ නව ආණ්ඩුක්‍රම ව්‍යවස්ථාවක් තුළ ජනවාර්ගික ගැටලුවට තිරසර විසඳුමක් ලබා ගැනීම පමණක් බවත් ඒ අනුව නව ආණ්ඩුක්‍රම ව්‍යවස්ථාවක් සකස් කිරීම සඳහා වන කටයුතු ආරම්භ කරන්නේ නම් පමණක් ඒ සඳහා වන සාකච්ඡාවලට සහභාගි වන බවත් දෙමළ ජාතික සන්ධානය ජනාධිපති රනිල් වික්‍රමසිංහ හමුවේ ප්‍රකාශ කර තිබේ.

බලය විමධ්‍යගත කිරීම සම්බන්ධයෙන් උතුරු නැගෙනහිර පළාත් දෙමළ මන්ත්‍රීවරුන් හා ජනාධිපතිවරයා ප්‍රමුඛ ආණ්ඩුව සමග පෙරේදා (15) ජනාධිපති ලේකම් කාර්යාලයේදී පැවති සාකච්ඡාවේදී එම සන්ධානය ජනාධිපතිවරයා හමුවේ මේ බව ප්‍රකාශ කර තිබේ.

මෙම සාකච්ඡාව කිසිදු එකඟතාවකින් තොරව අවසන්ව තිබෙනවා. මෙම සාකච්ඡාවෙන් පසුව මාධ්‍ය වෙත අදහස් දැක්වූ දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්තිරන් මෙසේ කියා සිටියේය.

බලය බෙදා හැරීම සම්බන්ධයෙන් මෙම සාකච්ඡාව පැවැත්වෙන බව දන්වා තිබුණා. මෙවැනි ම සාකච්ඡා පසුගිය දෙසැම්බර් හා ජනවාරි මාසයේදී පැවැත්වුණා. නමුත් පසුගිය පාර්ලිමේන්තුව එනම් ජනාධිපතිවරයා අගමැතිවරයාව කටයුතු කරනු ලැබූ කාලයේ මෙම ගැටලුව සම්බන්ධයෙන් සකස් කෙරුණු නව ආණ්ඩුක්‍රම ව්‍යවස්ථාව පිළිබඳ කෙටුම්පත හා මේ පිළිබඳ සම්පූර්ණ වාර්තා රජය හා ආණ්ඩුව වෙත භාරදී තිබෙනවා. තවද පෙරේදා පැවැති සාකච්ඡාවට ත් එම වාර්තා මම රැගෙන ගියා.

ඊයේ පැවැති සාකච්ඡාවේදී පාර්ලිමේන්තු මන්ත්‍රී සී. වී. විග්නේශ්වරන් විසින් වාර්තාවක් ඉදිරිපත් කරනු ලැබුවා. එම වාර්තාවේ පිටපතක් ජනාධිපතිවරයා ළඟත් තිබුණා. නමුත් එම වාර්තාවට විපක්ෂය වශයෙන් අස්සන් කර තිබුණේ විග්නේශ්වරන් මහතා පමණයි. අනෙක් සියලු ම දෙනා ආණ්ඩුව නියෝජනය කරනු ලැබූවන්. මේ අතරේ දේශපාලන පක්ෂයක් වශයෙන් ලියාපදිංචි කර නොමැති පක්ෂවල සාමාජිකයනුත් එම වාර්තාවට අස්සන් තබා තිබුණා. එබැවින් එම වාර්තාවට අපගේ විරෝධය පළ කර සිටියා. හේතුව එම වාර්තාව මහජන නියෝජිතයන් විසින් ඉදිරිපත් කළ වාර්තාවක් වශයෙන් පිළිගත නොහැකිවීමයි. එම වාර්තාව මූලික කර ගනිමින් කමිටුවක් පත් කිරීමට ජනාධිපතිවරයා යෝජනා කළා. නමුත් අපි එයට එකඟ වුණේ නැහැ. අපි එයට විරුද්ධ වුණා. එවැනි කමිටු පත් කිරීමෙන් සිදු වන්නේ සාකච්ඡා, කමිටු සාකච්ඡා වශයෙන් මෙම කටයුතු දිග්ගැස්සීම පමණයි.

නව ආණ්ඩුක්‍රම ව්‍යවස්ථාවක් සකස් කිරීමේ කටයුතු ආරම්භ වුවහොත් අපි ඒ සඳහා සහභාගි වෙනවා. ඒ හැර පරිපාලන කටයුතු සම්බන්ධ සාකච්ඡාවලට සහභාගි වීම නිෂ්ඵල ක්‍රියාවක්. එවැනි අලුත් කමිටුවලට අපි සහභාගි වන්නේ නැහැ. මේ ස්ථාවරය අපි ජනාධිපතිවරයාට දැනුම් දුන්නා. අපේ මූලික ඉල්ලීම වන්නේ නව ආණ්ඩුක්‍රම ව්‍යවස්ථාවක් සකස් කිරීම හා පළාත් සභා මැතිවරණය වහා ම පැවැත්වීමයි. නමුත් මෙම කාරණා දෙක සම්බන්ධයෙන්ම ඊයේ පැවැති සාකච්ඡාවේදී යම් එකඟතාවක් ඇති වුණේ නැහැ.”

මේ පිළිබඳව අදහස් දැක්වූ සී.වී. විනේශ්වරන් මෙසේ පැවැසුවා.

“බලය විමධ්‍යගත කිරීම සම්බන්ධයෙන් සාකච්ඡා කෙරුණා. මෙහිදී මා විසින් සකස් කරන ලද වාර්තාවක් එම රැස්වීමට ඉදිරිපත් කළා. එම වාර්තාවේ අන්තර්ගත වුණේ පවතින නීතියේ වෙනස් වියයුතු ස්ථාන පෙන්වා දෙමින් 13 වන ආණ්ඩුක්‍රම ව්‍යවස්ථා සංශෝධනය සම්පූර්ණයෙන් ම ක්‍රියාත්මක කරන්නේ කෙසේ ද යන්න යි. මෙම වාර්තාව සම්බන්ධයෙන් ජනාධිපතිවරයා එකඟතාවක් දැක්වූවා. ජනාධිපතිවරයා මෙම වාර්තාව ක්‍රියාත්මක කිරීම පිළිබඳව සොයා බැලීමට කමිටුවක් පත් කිරීමට එකඟ වූ අතර ඉදිරි සති තුනක කාලය ඇතුළත එම කමිටුවට සාමාජිකයන් පත් කර දන්වන බව ප්‍රකාශ කළා. උතුරු නැඟෙනහිර පළාත්වල සංවර්ධනය සම්බන්ධයෙනුත් ලබන ජූනි මාසයේදී සාකච්ඡා කරන බව ජනාධිපතිවරයා ප්‍රකාශ කළා. නමුත් දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ සුමන්තිරන් මහතා පැවැසුවේ 13 වන ආණ්ඩුක්‍රම ව්‍යවස්ථා සංශෝධනය සම්පූර්ණයෙන් ම ක්‍රියාත්මක කරනවාට වඩා නව ආණ්ඩුක්‍රම ව්‍යවස්ථාවක් සකස් කිරීම වඩා ත් උචිත බවයි.”