නිසි ආරක්ෂක තක්සේරුවක් නොමැතිව පුද්ගලයින්ට සහ ස්ථානවලට ආරක්ෂාව නොදෙන ලෙස මහජන ආරක්ෂක අමාත්‍ය ටිරාන් අලස් පොලිස්පතිවරයාට උපදෙස් ලබා දී තිබේ.
අමාත්‍යවරයා වැඩිදුරටත් අවධාරණය කර ඇත්තේ අත්‍යාවශ්‍ය අවශ්‍යතා සඳහා පමණක් නිලධාරින් යොදවන ලෙසත් අදාළ නිලධාරීන් පොලිස් ස්ථානවල සේවයේ යෙදවීමට ප්‍රමුඛතාවය ලබාදෙන ලෙසත්ය.
මහජන ආරක්ෂක කටයුතු පිළිබඳ අමාත්‍යාංශ උපදේශන කාරක සභාව රැස්වූ අවස්ථාවේදී මන්ත්‍රීවරුන් පෙන්වා දී ඇත්තේ විවිධ ස්ථානවල සහ පුද්ගලයන්ගේ ආරක්ෂාව සඳහා නිළධාරීන් යොදවා ඇති බැවින් පොලිස් ස්ථාන වල නිළධාරීන්ගේ හිඟයක් පවතින බවයි.