උතුරු කොරියාවේ සියදිවි නසා ගැනීම තහනම් කරමින් ජනාධිපති කිම් රහසිගත නියෝගයක් නිකුත් කර ඇති බව දකුණු කොරියාව නිවේදනය කරයි.
දකුණු කොරියාවේ බුද්ධි අංශයට අනුව උතුරු කොරියාවේ ජනතාව දිනෙන් දින පීඩා විඳින අතර දුර්වල ආර්ථික තත්ත්වයන් හේතුවෙන් උතුරු කොරියාවේ සියදිවි නසාගැනීම් 40% කින් වැඩි වී තිබේ.
උතුරු කොරියාවේ ඝොන්ග්ජින් ප්‍රදේශයේ පමණක් පසුගිය වසර තුළ පුද්ගලයන් 35 දෙනෙකු සියදිවි හානිකරගෙන තිබෙනවා.
මේ අතර පසුගිය වසරේ උතුරු කොරියාවේ සාගත මරණ තුන් ගුණයකින් වැඩි වී ඇති අතර මේ නිසා උතුරු කොරියාව සියදිවි නසාගැනීම් මර්දන ක්‍රියාමාර්ගවලට අවතීර්ණ වී ඇත.
සියදිවි නසා ගැනීම සමාජවාදයට එරෙහි ද්‍රෝහිකමක් බව පවසන කිම් එය වැළැක්වීමට රහස් නියෝගයක් නිකුත් කර තිබේ.