කළුතර ප්‍රදේශයේ උපකාරක පංතිවලට සහභාගී වූ සිසුවියන් පිරිසකට ලිංගික අතවර කිරීම සම්බන්ධයෙන් චෝදනා එල්ලවූ උපකාරක පන්ති ගුරුවරයා ලබන 23 වනදා දක්වා යළි රක්ෂිත බන්ධනාගාර ගත කර තිබේ.
කළුතර ප්‍රධාන මහේස්ත්‍රාත් නීතා හේමාලි හාල්පාන්දෙනිය මහත්මියයයි නියෝගය ලබාදුන්නේ.
30 හැවිරිදි සැකකාර ගුරුවරයා කළුතර උතුර, සුභසාධක මාවත ප්‍රදේශයේ පදිංචි අයෙක්. කළුතර උතුර ප්‍රදේශයේ උපකාරක පන්තියක් පවත්වන සැකකරු දැරියන් පිරිසකට ලිංගික අතවර කිරීම සම්බන්ධයෙන් චෝදනා එල්ල වූ අතර ඒ සම්බන්ධයෙන් අත්අඩංගුවට ගෙන අද දින දක්වා රක්ෂිත බන්ධනාගාර ගත කර තිබුණා.
නඩුව ලබන 23 වැනිදා යළි කැඳවීමට නියමිතයි.