අප්‍රිකාවේ ගිනි රාජ්‍යයට අයත් ව්‍යාජ ගුවන් ගමන් බලපත්‍රයක් උපයෝගී කර ගෙන ශ්‍රී ලංකාවට ඇතුළු වීමට තැත් කළ චීන ජාතිකයා විෂය භාර අමාත්‍යවරයාගේ නියෝගය මත ඊයේ (08) සවස චීනය බලා පිටුවහල් කළ බව කටුනායක ගුවන්තොටුපොළ කාර්යය මණ්ඩලය පවසයි.
ඒ අනුව මෙම චීන ජාතිකයා ඊයේ (08) සවස 05.35 ට චීනයේ ග්වැන්ෂෝ බලා පිටත්ව ගිය ශ්‍රී ලන්කන් ගුවන් සේවයේ යූ.එල්.- 884 දරන ගුවන් යානයෙන් එසේ පිටුවහල් කර තිබේ.
ඔහු තමන් පැමිණි ඩුබායි වෙත තමා පමණක් ගමන් ගන්නා ගුවන් යානයකින් යළි ආපසු යවන ලෙස ඉල්ලීමක් කර තිබූ නමුත් ඊයේ සවස මොහුගේ දෙඅතට මාංචු දමා මෙලෙස පිටුවහල් කර ඇත.