මිනිස් සිරුරේ ඇතිවිය හැකි පිළිකා පියවි සෛල විනාශ කළ හැකි පෝෂක ඖෂධයක් කොළඹ විශ්ව විද්‍යාලයේ ජෛව රසායන අණුක ජීවවේද සහ ජෛව තාක්ෂණ ආයතනයේ මහාචාර්ය සමීර ආර්. සමරකෝන් ඇතුළු පර්යේෂණ කණ්ඩායමක් පසුගියදා හඳුන්වා දුන්නේය.
වසර 12 කට අධික කාලයක් තිස්සේ සිදු කළ විද්‍යාත්මක පර්යේෂණ සාර්ථක කරගනිමින් මෙම පෝෂක ඖෂධය පෞද්ගලික ආයතනයක් සමග එක්ව නිෂ්පාදනය කිරීමට හැකිවූ බවයි මහාචාර්යවරයා පවසන්නේ.
මෙම පෝෂක ඖෂධය පිළිකා රෝගීන්ට මෙන්ම පිළිකා සුව වෙමින් පවතින රෝගීන්ටද ලබාගැනීමේ හැකියාව පවතින අතර මෙය ස්වභාවික පෝෂක ඖෂධයක් බවත් පියයුරු පිළිකා, පෙනහලු පිළිකා, ගුද මාර්ගය ආශ්‍රිතව ඇති වන පිළිකා ඇතුළු පිළිකා වර්ග 15 පමණ පිළිකා සෛල විනාශ කිරීමේ හැකියාව පවතී.