ඉන්දීය ණය මුදල යටතේ මෙරටට සැපයූ බව කියන ඖෂධ වර්ග දෙකක ප්‍රමිතිය පිළිබඳ සමාලෝචනයක් පැවැත්වීමට සෞඛ්‍ය අමාත්‍යාංශය තීරණය කර තිබේ.
සෞඛ්‍ය අමාත්‍යාංශයේ ලේකම් ජනක ශ්‍රී චන්ද්‍රගුප්ත සඳහන් කළේ එම ඖෂධ පානය කිරීමෙන් පසු රෝගීන් මියයාම සහ විවිධ අතුරු ආබාධවලට ලක්වීම පිළිබඳව සොයා බැලීමෙන් අනතුරුව මෙම තීරණය ගෙන ඇති බවයි.
ආන්දෝලනයට තුඩු දී ඇති ඖෂධ වර්ග දෙක ඉන්දීය ණය යටතේ මෙරටදී ලබාගෙන ඇති බවද ඔහු පවසා තිබේ.
සෞඛ්‍ය අමාත්‍යාංශයේ ලේකම්වරයා සඳහන් කළේ මෙම ඖෂධ නිෂ්පාදන ජාතික අන්තරායකර ද්‍රව්‍ය පාලන අධිකාරිය යටතේ ලියාපදිංචි කර මෙරට භාවිත කරන බවයි.
මේ අතර එම ඖෂධ ලබා ගැනීමෙන් පසු රෝගීන් මියයාම සහ ඔවුන් මුහුණ දුන් විවිධ අතුරු ආබාධ පිළිබඳව සොයා බැලීමට කමිටුවක් පත් කර ඇති බව සෞඛ්‍ය අමාත්‍යාංශය සඳහන් කරයි.