රත්නපුර – කොළඹ ප්‍රධාන මාර්ගයේ කුරුවිට – පුස්සැල්ල ප්‍රදේශයේදී පෞද්ගලික බස් රථයක් මාර්ගයේ නවතා තිබූ තවත් බස් රථයක ගැටී අද (26) පෙරවරුවේ අනතුරක් සිදුව තිබෙනවා.
මෙම අනතුරින් මාර්ගයේ ගමන් ගත් කාන්තාවන් දෙදෙනෙකු බරපතළ තුවාල ලබා අවිස්සාවේල්ල රෝහලට ඇතුළත් කර ඇති බවයි වාර්තා වන්නේ. කොළඹ බලා අධික වේගයෙන් ධාවනය වූ පුද්ගලික බස් රථයක් මෙම අනතුර සිදුකර ඇති අතර අනතුරින් 20දෙනෙකු පමණ තුවාල ලබා රෝහල් ගත කර ඇති අතර ඉන් 5 දෙනෙකුගේ පමණ තත්ත්වය බරපතළ බව වාර්තා වේ.
අනතුර සම්බන්ධයෙන් කුරුවිට පොලිසිය වැඩිදුර විමර්ශන සිදුකරනු ලබයි.