මේ වනවිට පවතින ත්‍රිපෝෂ අර්බුදය හේතුවෙන් රට තුළ මන්දපෝෂණ තත්ත්වය තවදුරටත් ඉහළ ගොස් ඇති බව විශේෂඥ වෛද්‍ය චමල් සංජීව පවසයි.
වෛද්‍යවරයා පෙන්වා දෙන්නේ මේ හේතුවෙන් මාස හයත් අවුරුදු තුනත් අතර දරුවන්ගේ පෝෂණ ගැටලු වර්ධනය වී ඇති බවයි.
වෛද්‍යවරයා වැඩිදුරටත් අවධාරණය කළේ ගැබිනි මව්වරුන්, කිරිදෙන මව්වරුන් සහ අවුරුදු පහට අඩු දරුවන් සඳහා අමතර ආහාරයක් ලෙස ලබා දෙන ත්‍රිපෝෂ නොලැබීම මන්දපෝෂණය ඉහළට යාමට හේතුවක් බවයි.
එමෙන්ම මෙරට වයස අවුරුදු පහට අඩු දරුවන් අතර මන්දපෝෂණ ප්‍රතිශතය 50% ක් වන අතර හම්බන්තොට, නුවරඑළිය, ගාල්ල, මාතර, මොනරාගල, කළුතර, අනුරාධපුර සහ පොළොන්නරුව යන දිස්ත්‍රික්කවල මෙම ප්‍රතිශතය 50% ද ඉක්මවා ඇති බවයි ඔහු වැඩිදුරටත් සඳහන් කළේ.