අස්වැසුම වැඩසටහනට අභියාචනා ඉදිරිපත් කිරීමට ලබා දී තිබූ කාලය අදින් අවසන් වෙයි.
මුදල් රාජ්‍ය අමාත්‍ය ෂෙහාන් සේමසිංහ සඳහන් කළේ එම වැඩසටහනට අදාළව අභියාචනා ලක්ෂ 9ක් සහ විරෝධතා 12,000ක් ලැබී ඇති බවයි.
ඇතැම් පාර්ශවයන්ගේ නම් ඊට ඇතුළත් කර නොමැති බව පවසමින් පසුගිය දින කිහිපය පුරාම අස්වැසුම සුබසාධන වැඩසටහනට විරෝධය පළ කරමින් දිවයින පුරා විරෝධතා පැවැත්වුණු අතර ඒ අනුව අස්වැසුම වැඩසටහන සඳහා අභියාචනා සහ විරෝධතා ඉදිරිපත් කිරීමට අද (10) දිනය දක්වා කල් ලබාදීමට රජය පියවර ගත්තේය.
ලැබුණු අභියාචනා පරික්ෂා කිරීම සඳහා අධීක්ෂණ කමිටුවක් ද පත් කර තිබේ.