රද්දොළුව නිවාස සංකීර්ණයේදී පොලිස්‌ මත්ද්‍රව්‍ය කාර්යංශයේ නිලධාරීන්ට ලද තොරතුරක්‌ මත වැටලීමක්‌ සිදුකර කොකේන්‌ මත්ද්‍රව්‍ය ග්‍රෑම්‌ 25 මිලිග්‍රෑම්‌ 400ක් සන්තකයේ තබාගෙන සිටි සැකකරුවකු අත්අඩංගුවට ගෙන තිබෙනවා.
සැකකරුගෙන්‌ කරන ලද ප්‍රශ්න කිරීමේදී සැකකරුට අයත්‌ වෙළඳසැල පිටුපස සගවා තිබියදී මත්පෙති 2250 ක් සොයා ගෙන ඇත. අත්අඩංගුවට ගත්‌ සැකකරු වයස අවුරුදු 37 ක් වන රද්දොළුව ප්‍රදේශයේ පදිංචිකරුවෙකි.
සැකකරු අද (11) දින මීගමුව ගරු මහේස්ත්‍රාත්‌ අධිකරණය වෙත ඉදිරිපත්‌ කිරීමෙන්‌ අනතුරුව (15)වන දින දක්වා රැඳවුම්‌ නියෝග ලබා ගෙන තිබේ. පොලිස්‌ මත්ද්‍රව්‍ය කාර්යංශය වැඩිදුර විමර්ශන සිදුකර ගෙන යනු ලබයි.