බොරැල්ල පොලිස් වසමේ සහස්පුර මහල් නිවාස සංකීර්ණ ප්‍රදේශයේ විශේෂ මෙහෙයුමක් සිදුකර තිබේ.
මේ සඳහා බොරැල්ල පොලිස් ස්ථානයේ නිලධාරීන් සහ පොලිස් විශේෂ කාර්ය බළකා නිලධාරීන් එක්ව ඇති අතර මෙම විශේෂ මෙහෙයුම දියත් කර ඇත්තේ ඊයේ (16) අලුයමයි.
මෙම මෙහෙයුමේදී විවිධ අපරාධවලට සම්බන්ධ බවට සැක සහිත පුද්ගලයින් 13 දෙනෙකු අත්අඩංගුවට ගෙන ඇති බවයි පොලිස් මාධ්‍ය කාර්යාලය නිවේදනය කළේ.
අත්අඩංගුවට ගත් පිරිස අතර වරෙන්තුකරුවෙකු සහ හෙරොයින් හා අයිස් මත්ද්‍රව්‍ය සන්තකයේ තබාගත් සැකකරුවන් දෙදෙනෙකුද සිටින අතර සැකකරුවන් සම්බන්ධයෙන් බොරැල්ල පොලීසිය වැඩිදුර විමර්ශන සිදුකරයි.