කොළඹ වරාය නගරයේ අලුතින් ජනතා අයිතියට පත් කළ කෘත්‍රිම වෙරළ තීරය නැරඹීම සඳහා මේ දක්වා 3000ක පමණ පිරිසක් පැමිණ ඇති බව කොළඹ වරාය නගර පාලන අධිකාරිය පවසයි.
පෙරේදා (15) දිනයේදී මෙම කෘත්‍රිම වෙරළ තීරය මහජනතාව සඳහා විවෘත කළ අතර ඊයේ (16) රාත්‍රි 9 දක්වා කාලය තුළ මෙම පිරිස පැමිණ ඇති බවයි වාර්තා වන්නේ.
පැමිණෙන දෙස් විදෙස් සංචාරකයන් සඳහා වෙරළ ක්‍රීඩා, ජල ක්‍රීඩා, අවන්හල් මෙන්ම සාප්පු සංකීර්ණ අත්දැකීම්ද ලබා ගත හැකි පරිදි සේවා ජාලයක් මෙහි ක්‍රියාත්මක අතර මෙම කෘත්‍රිම වෙරළ තීරය නැරඹීම සඳහා ජනතාවට අවස්ථාව සළසා දී ඇත්තේ
කිසිදු ගාස්තුවක් අයකිරීමකින් තොරවයි.