ඉදිරි ජනාධිපතිවරණයේදී නිදහස ජනතා සභාවේ ජනාධිපති අපේක්ෂකයා ලෙස පාර්ලිමේන්තු මන්ත්‍රී ඩලස් අලහප්පෙරුම ඉදිරිපත් කිරීමට එම සභාව තීරණය කර ඇති බව වාර්තා වෙයි.
ඒ අනුව ඒ සඳහා සහය දීමට සූදානම් ඕනෑ ම කෙනෙකු සමග සන්ධානගත වීමට නිදහස ජනතා සභාව සූදානම් බවත් මේ සම්බන්ධයෙන් ඉදිරියේදී විපක්ෂයේ කණ්ඩායම් සමඟ සාකච්ඡා කිරීමට සූදානම් බවත් පාර්ලිමේන්තු මන්ත්‍රී ලලිත් එල්ලාවල පැවසීය.
ඩලස් අලහප්පෙරුම මන්ත්‍රීවරයා මෙරට ජනාධිපති ධූරය හෝ අගමැති ධූරය දැරීමට ඉතා සුදුසු අදූෂිත පුද්ගලයෙකු බැවින් ඔහු මෙරට ජනාධිපති ධූරයට පත් කිරීම වෙනුවෙන් විපක්ෂයද එක් විය යුතු බවයි ඔහු සඳහන් කළේ.