ඇල්ල ප්‍රාදේශීය ලේකම් කාර්යාලය වෙත සේවය ලබාගැනීමට ගිය පුද්ගලයෙකු ක්ලාන්ත වී ජීවිතක්ෂයට පත්ව ඇති බව පොලිසිය පවසයි.
අද (27) උදෑසන සිදුවූ මෙම සිද්ධියෙන් මිය ගොස් ඇත්තේ නමුණුකුල, ටෝනකොම්බෙ වතු යායේ පදිංචි 76 හැවිරිදි පුද්ගලයෙකි.
අස්වැසුම සුබසාධන යෝජනා ක්‍රමයට අදාළ අයදුම්පත්‍රය ලබා ගැනීමට ප්‍රාදේශීය ලේකම් කාර්යාලය ඉදිරිපිට දිගු වේලාවක් පෝලිමේ රැඳී සිටියදී මෙම පුද්ගලයා ක්ලාන්ත වූ බව පෝලිමේ සිටි ඇතැම් පිරිස් ප්‍රකාශ කළහ.
කෙසේ වෙතත් මේ සම්බන්ධයෙන් සියලු පොලිසිය වැඩිදුර පරීක්ෂණ පවත්වයි.