වරකාපොල – තුල්හිරිය ප්‍රදේශයේදී අද (02) ලංගම බස් රථයක් ලොරි රථයක ගැටීමෙන් කාන්තාවක් ජීවිතක්ෂයට පත්ව තිබේ.
පොලීසිය සඳහන් කළේ මෙම බස් රථ අනතුරින් 10 දෙනෙකුට ආසන්න පිරිසක් තුවාල ලබා ඇති බවයි.
අඹේපුස්ස සිට අලව්ව දෙසට ධාවනය වූ ලංගම බස් රථයක් හා ඊට ප්‍රතිවිරුද්ධ දෙසින් ධාවනය වූ සිමෙන්ති පටවා ගත් ප්‍රයිමෝර් වර්ගයේ ලොරි රථයක මුහුණට මුහුණ ගැටී අනතුර සිදුව ඇති බවයි වාර්තා වන්නේ.
මේ වනවිට ලොරි රථයේ රියදුරු අත්අඩංගුවට ගෙන ඇති අතර වරකාපොළ පොලීසිය වැඩිදුර විමර්ශන සිදුකරයි.